काठमाडौँ । नेपाल पौडी संघले पेरिस पारालिम्पिक २०२४ मा ऐतिहासिक कास्य पदक विजेता पलेशा गोर्वधनलाई २५ हजार नगरसहित सम्मान गरेको छ । यसैगरी, प्रशिक्षक कविराज नेगीलाई नगद १० हजार रुपैयाँसहित संघले सम्मान गरेको हो ।
आइतबार आयोजित एक समारोहकाबीच नेपाल पौडी संघका अध्यक्ष जगतमान श्रेष्ठ तथा कोषाध्यक्ष दिलिप वैद्यले संयुक्त रूपमा पारालिम्पियन गोर्वधनलाई चेक तथा सम्मान पत्र हस्तान्तरण गर्नुभएको हो ।
कार्यक्रममा खेलकुदमन्त्री तेजुलाल चौधरी तथा पूर्व खेलकुदमन्त्री विराजभक्त श्रेष्ठको उपस्थिति रहेको थियो ।
फ्रान्सको राजधानी पेरिसमा हालै सम्पन्न के–४४ विधामा महिला ५७ किलोमुनि रिपेचेजतर्फ कास्य पदक जित्नुभएको थियो । पलेशाले सर्बियाकी मरिजा मिसेभलाई १५–८ अङ्कले पराजित गर्नुभएको थियो ।
