काठमाडौँ । विश्व एक्वेटिक्स पौडी च्याम्पियनसिपमा सहभागी हुने खेलाडीसहित प्रतिनिधि मण्डललाई विदाई गरिएको छ ।
टोलीलाई सफलताको शुभकामना दिदैँ राष्ट्रिय खेलकुद परिषद्का सदस्य–सचिव टंकलाल घिसिङले मंगलबार विदाई गर्नुभएको हो ।
हंगेरीमा हुने विश्व एक्वेटिक्स पौडी च्याम्पियनसिपमा नेपालका लागि चार जना खेलाडीले प्रतिस्पर्धा गर्ने नेपाल पौडी संघका महासचिव इश्वर कार्कीले बताउनुभयो ।
उहाँले, "डिसेम्बर १० देखि १६ तारिखसम्म हुने प्रतियोगितामा पुरुषमा अजलकाजी ताम्राकार र अथर्व सिंह तथा महिलामा अनुशिया तण्डुकार र डुवाना लामा प्रतिस्पर्धा गर्ने बताउनुभयो ।"
टीममा प्रमुखका रूपमा नेपाल पौडी संघका कोषाध्यक्ष दिलिप वैद्य रहनु भएको छ भने, प्रशिक्षकका रूपमा रत्नलाल महर्जन, अफिसियल प्रतिनिधिमा रूपमा नेपाल पौडी संघका अध्यक्ष जगतमान श्रेष्ठ र जयप्रकाश भट्टराई रहनु भएको छ ।
