काठमाडौँ । लायन्स इन्टरनेसनल डिस्ट्रिक ३२५ जीको आयोजनामा गभर्नर कप सेभेन ए साइड फुटसल प्रतियोगिताको उपाधी टोखा लायन्स अफ काठमाडौँ ३२५ डीले हात पारेको छ ।
विश्व क्यान्सर दिवसका अवसरमा फेब्रुअरी १ देखि ४ तारिखसम्म कुपन फुटबल कपनमा भएको खेलमा लायन्स इन्टरनेसनल डिस्ट्रिक ३२५ ई को टिम 'सी' लाई ०-२ गोल अन्तरले हराउँदै टोखा लायन्स अफ काठमाडौँ ३२५ डीले उपाधी जितेको हो ।
त्यस्तै, प्रतियोगितामा लायन्स इन्टरनेसनल डिस्ट्रिक ३२५ ई को टिम 'सी' उपविजेता भएको हो । खेलमा लायन्स इन्टरनेसनल डिस्ट्रिक ३२५ ई को टिम 'सी' एवं उप-विजेता टिमका फरवार्ड आशिष कपाली उत्कृष्ट खेलाडी घोषण हुनु भएको थियो । यो सँगै कपालीलाई लायन्स इन्टरनेसनल डिस्ट्रिक ३२५ ई ले थाइल्यान्ड टुरको अवसर प्रदान गरेको छ ।
खेलका विजेताहरूलाई डिस्ट्रिक ३२५ जीका गभर्नर डा. कमल कायस्थ लगायतले ट्रफी, मेडल र प्रमाणपत्र प्रदान गर्नुभएको थियो ।
प्रतियोगितामा विजेता टोलीले पचास हजार नगद सहित ट्रफी मेडल र प्रमाणपत्र हात पारेको छ भने, उपविजेताले नगद पच्चीस हजार सहित ट्रफी मेडल र प्रमाणपत्र हात पारेको छ ।
फाइनल खेलमा टोखा लायन्स अफ काठमाडौँ ३२५ डीका कप्तान रविन्द्र डंगोलले २ गोल गर्नुभएको थियो । जुन गोलनै खोलको निर्णायक गोल बन्न पुगेको हो ।
